இன்று (2019-07-24) உயிரிழை அமைப்பின் அலுவலகத்திற்கு Dr.சத்தியரூபன் (திட்டமிடல் வைத்திய அதிகாரி பிராந்திய சுகாதார சேவைகள் பணிமனை முல்லைத்தீவு) அவர்களுடன் Dr.P.சஞ்ஜீபன் VP மற்றும் மாங்குளம் ஆதார வைத்தியசாலையின் வைத்திய அதிகாரி Dr.மதுஷங்க மற்றும் தாதிய உத்தியோகத்தர்கள் ஆகியோர் அடங்கிய குழுவினர் உயிரிழை பராமரிப்பு இல்லத்திற்கு சென்று அங்கு உள்ளவர்களை சந்தித்து பராமரிப்பு இல்ல பயனாளிகளின் மருத்துவ தேவைகள் தொடர்பாகவும் ஏனைய நோய்கள் தொடர்பாகவும் கலந்துரையாடியதோடு பராமரிப்பு இல்ல பயனாளிகளின் அழுத்தப் புண்களையும் பார்வையிட்டு அதற்கான ஆலோசனைகளையும் வழங்கினர்.

மாங்குளம் உயிரிழை அமைப்பின் மாதாந்த நிர்வாக குழு கூட்டம் இன்று (2019-06-29) உயிரிழை அமைப்பின் அலுவலகத்தில் காலை 10.00 மணிக்கு ஆரம்பமானது.

வழமைபோன்று ஒவ்வொரு மாதத்தின் வருகின்ற கடைசி சனிக்கிழமையன்று இக் கூட்டம் நடைபெறுவதுன்டு  அதற்கமைய இன்றும் (29.06.2019) அலுவலகத்தில் நடைபெற்றது.

இதில்
1.தலைமை உரை
2.செயலாளர் அறிக்கை
3.கணக்கு அறிக்கை
4.அலுவல அறிக்கை
5.கல்வி செயற்திட்ட அறிக்கை
6.மருத்துவ அறிக்கை
7.விற்பனை நிலைய அறிக்கை
8.நிர்வாக உறுப்பினர்களின் மாதாந்த செயற்பாட்டறிக்கை

போன்ற அறிக்கைகள் வாசிக்கப்பட்டன

பின்னர் மேற்படி வாசிக்கப்பட்ட அறிக்கைகள் தொடர்பாக விவாதிக்கப்பட்டு அதற்கான நடவடிக்கைகளும் எடுக்கப்பட்டது.

பின்னர் மாவட்ட இணைப்பாளர்கள் தங்களது மாவட்ட பயனாளிகள் தேவைகள் தொடர்பாகவும் கதைத்தனர். அந்த விடயங்கள் சேகரிக்கப்பட்டு நடவடிக்கைக்காக அலுவலகத்தில் ஒப்படைக்கப்பட்டது.

பின்னர் இக் கூட்டம் மதிய நேர உணவுக்கு பின்னர் நிறைவு பெற்றது.

முல்லைத்தீவு மாவட்டம் மாங்குளத்தில் அமையப்பெற்றுள்ள உயிரிழை அமைப்பில் முள்ளந்தண்டு பாதிக்கப்பட்டவர்கள் தங்கவைக்கப்பட்டு பராமரிக்கப்பட்டு வருகிறார்கள்.

இவர்களை சிவன் அறக்கட்டளை ஸ்தாபகரும் மக்கள் முன்னேற்றக் கூட்டணியின் செயலாளர் நாயகமும் ஆகிய திரு.கணேஸ்வரன் வேலாயுதம் அவர்கள் நேரில் சென்று பார்வையிட்டு அவர்களுக்கு தேவையான உதவிகளை வழங்கி வருகிறார்.

அதன் அடிப்படையில் ஒரு பகுதியினருக்கான தண்ணீர் மெத்தைகள் ஏற்கனவே வழங்கி வைக்கப்பட்டுள்ளது.

தற்போது 34 பயனாளிகளுக்கான மெத்தைகள் வழங்கியுதவுமாறு கோரிக்கை விடுத்திருந்தனர். அதனை தொடர்ந்து அவர்களுக்கான மெத்தைகள் கனடா சிவன் அறக்கட்டளை நிதி அணுசரணையில் கனடா சிவன் அறக்கட்டளை உறுப்பினர்களான திரு.சக்தி, திரு.ச.கிருபாகரன் அவர்களும் சிவன் அறக்கட்டளை ஸ்தாபகர் திரு.கணேஸ்வரன் வேலாயுதம் அவர்களும் வழங்கி வைத்துள்ளார்.

கொழும்பைச் சேர்ந்த அமரர் பிரபாகரன் அவர்களின் நினைவு தினத்தை முன்னிட்டு திருமதி. பிரபாகரன்  அவர்கள் வழங்கிய நிதி அன்பளிப்பின் மூலம் முல்லைத்தீவு மாவட்டம் மாங்குளத்தில் அமைந்துள்ள முள்ளந்தண்டுவடம் பாதிக்கப்பட்டவர்களின் உயிரிழை அமைப்பில் கடந்த கால யுத்த நிலைமைகளின் போது பாதிக்கப்பட்டு வீடுகளிலும் உறவினாராலும் பாரமரிக்க முடியாத முள்ளந்தண்டுவடம் பாதிக்கப்பட்ட பயனாளிகளுக்கான இல்லத்தில் வாழ்ந்து வரும் பயனாளிகளின் உணவுத் தேவையினை பூர்த்தி செய்துகொள்ளும் முகமாக ரூபா 15000 பெறுமதியான உலர் உணவுப்பொருட்கள் அன்பளிப்பாக வழங்கப்பட்டுள்ளன.

அதேவேளை வலிந்து காணாமல் ஆக்கப்பட்ட உறவுகளுக்கான தீர்வுகோரி முல்லைத்தீவில் நடைபெற்று வரும் தொடர்ச்சியான சத்வீக போராட்டத்திற்கு வலுச்சேர்க்கும் முகமாக வலிந்து காணாமல் ஆக்கப்பட்ட உறவுகளின் சங்கத்தினால் கடிதம் மூலம் கேட்டுக்கொண்டதற்கு இணங்க நேற்றைய தினம் ரூபா 10000 பெறுமதியான உலர் உணவுப்பொருட்கள் அன்பளிப்பாக வழங்கப்பட்டுள்ளது.