மாங்குளம் - சனத்ஜீவன் முன்பள்ளி விளையாட்டுப் போட்டி இன்று நடைபெற்றது.....!!

 மாங்குளம்  சரத்ஜீவன் முன்பள்ளியின் விளையாட்டுப் போட்டி இன்று (2019-04-04) வியாழக்கிழமை மதியம் 02:30 மணியளவில் சனத் ஜீவன் முன்பள்ளி வளாகத்தில் மாங்குளம் பங்குத்தந்தை வண.பிதா மரியதாஸ் அவர்களின் தலைமையில் சிறப்பாக ஆரம்பமானது.

வண.பிதா மரியதாஸ் அவர்களின் தலைமையில் இடம்பெற்ற இவ் விளையாட்டு போட்டி நிகழ்விலே பிரதம விருந்தினராக துணுக்காய் முன்பள்ளி உதவிக்கல்விப் பணிப்பாளர் திரு.யே.ஜெயப்பிரகாஸ் அவர்கள் கலந்து சிறப்பித்தார்.

மேலும் சிறப்பு விருந்தினராக புதுக்குடியிருப்பு பிரதேச சபையினுடைய தலைவர் கெளரவ திரு.செ.பிறேமகாந் அவர்களும் கெளரவ விருந்தினர்களாக குகனேஸ்வரன் மற்றும் அருட்சகோதரி கிசாந்தி அவர்களும் கலந்து கொண்டனர்.

மாணவர்களின் விளையாட்டு நிகழ்வுகள் மற்றும் உடற்பயிற்சி நிகழ்வுளும் இடம்பெற்றமை குறிப்பிடத்தக்கது.
வெற்றியீட்டிய வீரர்களுக்கான பரிசில்களும் வழங்கப்பட்டன.