இன்று (2019-07-24) உயிரிழை அமைப்பின் அலுவலகத்திற்கு Dr.சத்தியரூபன் (திட்டமிடல் வைத்திய அதிகாரி பிராந்திய சுகாதார சேவைகள் பணிமனை முல்லைத்தீவு) அவர்களுடன் Dr.P.சஞ்ஜீபன் VP மற்றும் மாங்குளம் ஆதார வைத்தியசாலையின் வைத்திய அதிகாரி Dr.மதுஷங்க மற்றும் தாதிய உத்தியோகத்தர்கள் ஆகியோர் அடங்கிய குழுவினர் உயிரிழை பராமரிப்பு இல்லத்திற்கு சென்று அங்கு உள்ளவர்களை சந்தித்து பராமரிப்பு இல்ல பயனாளிகளின் மருத்துவ தேவைகள் தொடர்பாகவும் ஏனைய நோய்கள் தொடர்பாகவும் கலந்துரையாடியதோடு பராமரிப்பு இல்ல பயனாளிகளின் அழுத்தப் புண்களையும் பார்வையிட்டு அதற்கான ஆலோசனைகளையும் வழங்கினர்.

மாங்குளம் பிரதேச வைத்தியசாலைக்கு நேற்று திங்கட்கிழமை (24-06-19) நண்பகல் திடீர் விஜயம் மேற்கொண்ட கௌரவ ஆளுநர் கலாநிதி சுரேன் ராகவன் அவர்கள் வைத்தியசாலையின் நிலைமைகள் குறித்து நேரில் ஆராய்ந்தார்.

இந்த வைத்தியசாலையில் கடமை புரியும் ஊழியர்கள் வைத்தியசாலையினை மிகவும் தூய்மையாக வைத்திருப்பதனை பாராட்டிய கௌரவ ஆளுநர் அவர்கள் தொடர்ச்சியாக இதனை பேணுமாறும் வைத்தியசாலை நிர்வாகத்தினரிடம் கேட்டுக் கொண்டார்.