முல்லைத்தீவு – புதுக்குடியிருப்பு மருதமடுக் கிராமத்தில் முன்னெடுக்கப்படும் அபிவிருத்தி வேலைத்திட்டங்களை, வடமாகாணசபை முன்னாள் உறுப்பினர் துரைராசா ரவிகரன் தலைமையிலான குழுவினர் நேரில் சென்று பார்வையிட்டனர்.

நாடாளுமன்ற உறுப்பினர் சாந்தி ஸ்ரீஸ்கந்தராசாவின் நிதி ஒதுக்கீட்டில், மருதமடுக் கிராமத்தில் காணப்படும், மதகுகள் சீரமைக்கப்பட்டு வருகின்றன.

இந்த வேலைத்திட்டங்கள் தொடர்பாக நேரில் சென்று பார்வையிட்ட குழுவினர் மக்களுடன் கலந்துரையாடினர்.

ரவிகரனுடன், கரைதுறைப்பற்றுப் பிரதேசசபை உறுப்பினர் சின்னராசா லோகேஸ்வரன், புதுக்குடியிருப்புப் பிரதேச சபையின் பிரதித் தலைவர் கனகசுந்தரசுவாமி ஜனமேஜயந் உள்ளிட்டவர்கள் சென்றிருந்தனர்.

முல்லைத்தீவு புதுக்குடியிருப்பு பிரதேச சபைக்குச் சொந்தமான பல வீதிகள் நாடாளுமன்ற உறுப்பினர் சிவமோகனின் நிதிப்பங்கீட்டில் சீரமைக்கப்பட்டு வருகிறது.

அவற்றில் புதுக்குடியிருப்பு முதலாம் வட்டார வீதி தற்போது சீரமைக்கப்பட்டு வருகிறது.

முல்லைத்தீவு புதுக்குடியிருப்பு மேற்கு பகுதியில் உள்ள சாய்பாப கோவில் வீதி புனரமைப்பு பணிகள் இன்று ஆரம்பிக்கப்பட்டுள்ளன.

நாடாளுமன்ற உறுப்பினர் செல்வம் அடைக்கலநாதனின் கம்பரெலிய நிதி ஒதுக்கீட்டில், வீதி கிரவல் இட்டு செப்பனிடப்படவுள்ளது.

கிராம அபிவிருத்தி சங்கத்தினர், கமக்கார அமைப்பினர்,கிராம சக்தி நிர்வாகத்தினர், கிராம சேவையாளர் ஆகியோர் கலந்து கொண்டு வீதி செப்பனிடும் பணிகளை ஆரம்பித்து வைத்தனர்.